हुतात्मा जयवंतराव पाटील विद्यालय कनकी येथे संविधान दिन उत्साहात साजरा

November 27, 2022 admin 0 Comments

किनवट/प्रतिनिधी: हुतात्मा जयवंतराव पाटील विद्यालय कनकी येथे संविधान दिन उत्साहात साजरा करण्यात आला. या कार्यक्रमाचे अध्यक्षस्थानी शाळेचे मुख्याध्यापक पी.व्ही. साबापुरे हे होते तर प्रमुख पाहुणे म्हणून पि.के. तायडे, बी.एस. बोनतावार तसेच विष्णु मडावी,खांडरे भाऊ,रामराव राठोड,उपस्थित होते.
प्रथमतः मान्यवरांच्या हस्ते डॉक्टर बाबासाहेब आंबेडकरांच्या प्रतिमेचे पूजन करून व पुष्पहार अर्पण करून अभिवादन करण्यात आले.

त्यानंतर संविधान उद्देशिकेचे सर्व विद्यार्थ्यांकडून वाचन करण्यात आले. वर्ग दहावीतील विद्यार्थिनी कुमारी स्नेहा गंगाधर मोहूर्ले व कुमारी शैला संतोष वाडगुरे या विद्यार्थिनींनी डॉक्टर बाबासाहेब आंबेडकर यांच्या विषयी आपले मनोगत व्यक्त केले तसेच सहशिक्षक पि.के. तायडे व बी.एस.बोनतावार यांनी आपले विचार व्यक्त केले. मुख्याध्यापक पी.व्ही. साबापुरे यांचे अध्यक्षीय भाषण झाले.