हुतात्मा जयवंतराव पाटील विद्यालय कनकी येथे क्रांतीज्योती सावित्रीबाई फुले जयंती उत्साहात साजरी
किनवट/प्रतिनिधी:
आद्य शिक्षिका,मुख्याध्यापीका क्रांतीज्योती सावित्रीबाई फुले यांच्या जयंतीचा सोहळा हुतात्मा जयवंतराव पाटील विद्यालयात मोठ्या उत्साहात संपन्न झाला.
कार्यक्रमाच्या अध्यक्षस्थानी विद्यालयाचे मुख्याध्यापक पंडितराव साबापुरे हे होते तर प्रमुख अतिथी म्हणून दिनकर शेंडे बी.के.राठोड, भगवान बोन्तावार हे होते.
प्रारंभी क्रांतीज्योती सावित्रीबाई फुले यांच्या प्रतिमेचे पूजन कार्यक्रमाचे अध्यक्ष व प्रमुख पाहुणे यांच्या हस्ते संपन्न झाले.
नंतर सावित्रीबाई फुले यांच्या जीवन चरित्रावर प्रकाश टाकणारी विद्यार्थी आणि विद्यार्थिनीनी भाषणे केली.
कार्यक्रमाचे प्रास्ताविक व सूत्रसंचालन आनंद भालेराव यांनी केले तर अध्यक्षीय समारोप मुख्याध्यापक पंडितराव साबापुरे यांनी केला तर आभार प्रदर्शन दिनकर शेंडे यांनी केले या कार्यक्रमास शिक्षक दामोदर इंगोले, पी.के तायडे, शिक्षकेत्तर कर्मचारी रामराव राठोड, पोचिराम गुरनुले,राजेंद्र ठाकरे,खांडरे भाऊ,विष्णू मडावी व विद्यार्थी विद्यार्थिनी बहुसंख्येने उपस्थित होते.
