◾माहूर नगर पंचायत सार्वत्रिक निवडणुकी साठी मतदार याद्या प्रकाशित! हरकती,सूचना असल्यास 23 ते 26 दरम्यान दखल करा -मुख्याधिकारी!

श्री क्षेत्रमाहूर/प्रतिनिधी:
महाराष्ट्र राज्य निवडणूक आयोगाच्या आदेशानुसार डिसेंबर २०२१ या कालावधीत मुदत संपत असलेल्या माहूर नगर पंचायत सार्वत्रिक निवडणुकी साठी होणा-या मतदानासाठीची प्रभाग क्रमांक 0१ ते १७ अशा एकूण १७ प्रभाग निहाय प्रारूप मतदार यादया आज दिनांक 23 रोजी नगर पंचायत माहूरच्या नोटीस बोर्डवर लाऊन नगर पंचायत कर्मचारी व नागरिकांच्या उपस्थिती मध्ये प्रसिध्द करण्यात आल्या आहेत.

माहूर नगरपंचायत सार्वत्रिक निवडणूक २०२१ साठी आज मंगळवार रोजी प्रकाशित करण्यात आलेल्या प्रारूप मतदार यादीवर हरकती व सुचना (आक्षेप) दाखल करण्यासाठी दिनांक २३ ते २६ पर्यंतचा कालावधी देण्यात आला आहे. ज्या कोण्या मतदारांना प्रसिध्द करण्यात आलेल्या प्रारूप मतदार यादीवर हरकती व सूचना दाखल करावयाच्या असतील अशानी दिनांक २३ ते २६ नोव्हेंबर या कालावधी दाखल कराव्यात यानंतर आलेल्या हरकती व सूचना (आक्षेप) यावर विचार केला जाणार नाही असे नगर पंचायत प्रशासना कडून प्रसिद्धीस देण्यात आलेल्या पत्रात मुख्याधिकारी राकेश गिड्डे या कळविले आहे.नगर पंचायत माहूर येथे मतदार यादी प्रसिद्ध करतांना शहरातील नागरिक, सामाजिक कार्यकर्ते, नगर पंचायत चे कार्यालयीन अधीक्षक वैजनाथ स्वामी,अभियंता प्रतीक नाईक,सुनील वाघ,देवीदास जोंधळे,गणेश जाधव, शेख मजहर,देवीदास सिडाम, भाग्यश्री रासवते,विजय शिंदे, यांच्या सह अनेकांची उपस्थिती होती.