आज जागतिक आदिवासी दिन आमदार भीमराव केराम यांच्या मार्गदर्शनाखाली व युवा नेते संदेश केराम यांच्या प्रमुख उपस्थितीमध्ये ठिकठिकाणी सम्पन्न
किनवट : (तालुका प्रतिनिधी)
येथे जागतिक आदिवासी दिन दि. 09 ऑगस्ट रोजी सकाळपासून आमदार भीमराव केराम यांच्या मार्गदर्शनाखाली युवा नेते संदेश केराम यांच्या प्रमुख उपस्थितीमध्ये दिवसभर विविध कार्यक्रम घेऊन मोठ्या उत्साहात साजरा करण्यात आला.
यावेळी किनवट शहरातील अशोक स्तंभा येथील बिरसा मुंडा यांच्या पुतळ्यास संदेश केराम यांच्या प्रमुख उपस्थितीत हार अर्पण करण्यात आले. नंतर ‘लोकार्पण’ जनसंपर्क कार्यालय या ठिकाणी बिरसा मुंडा व विर बाबुराव सेडमाके यांच्या प्रतिमेचे पूजन करून महात्मा फुले चौक, अन्ना भाऊ साठे, जिजामाता चौक, बिरसा मुंडा चौक, आंबेडकर चौक, ठाकरे चौक गोकुंदा या मार्गे आदीवासी युवकांनी भव्य मोटरसायकल रॉली काढली.
उपजिल्हा रुग्णालय गोकुंदा येथे रुग्णांना फळवाटप करुन दत्तनगर, हनुमान मंदिर, समता नगर मार्गे किनवट येथील संथागार वृद्धाश्रमात फळ वाटप करण्यात आले. दिवस भर चाललेल्या कार्यक्रमाची सांगता आमदार भीमराव केराम यांचे लोकार्पण जनसंपर्क कार्यालय या ठिकाणी करण्यात आली असून संदेश केराम यांनी सर्वांचे आभार मानले.
या कार्यक्रमास स्वीय सहायक प्रकाश कुड़मते , भाजपा आदिवासी आघाडी जिल्हाउपाध्यक्ष जितेंद्र कुरसंगे, सरपंच अनिल कनाके, संजय सीडाम, संतोष मरसकोल्हे, डॉ. गुहाडे, आशीष उर्वते, फजल चव्हाण, अजय सिदम ,आशीष कुमरे, दत्ता भिसे ,अरविंद पेंडोर, गौरव आत्राम ,रोहित कुरसंगे, संतोष गीते, अमोल जधव, विक्की वाघमारे, दादाराव टेकाम, प्रमोद कोसरे, नितिन भरके, अक्षय मरसोले आदींची मोठ्या प्रमाणात उपस्थिती होती.
