प्रणय कोवे यांची पुरोगामी पत्रकार संघ संचलित “आदिवासी विकास समिती” च्या नांदेड जिल्हा अध्यक्षपदी निवड
परभणी: परभणी जिल्ह्यातील मानवत येथे सातव्या वर्धापन दिनानिमित्त राष्ट्रीय पुरोगामी पत्रकार संघाचा वर्धापन दिन सोहळा अतिशय मोठ्या उत्साहाने ,जल्लोषाने साजरा केला गेला. त्यावेळी संस्थापक अध्यक्ष -विजय सूर्यवंशी यांच्या नेतृत्वाखाली मा. बाळासाहेब आढांगळे व राज्य अध्यक्ष संतोष जाधव यांनी प्रणय कोवे यांची पुरोगामी पत्रकार संघ संचलित “आदिवासी विकास समिती” च्या नांदेड जिल्हा अध्यक्ष पदी निवड करण्यात आली
प्रणय कोवे हे गेल्या अनेक वर्षापासून ट्रायबल सेवा न्यूज चैनल च्या माध्यमातून आदिवासी समाज बांधवांच्या सेवेत आहेत. बीए, एमए, बीजे (एम.एस) बॅचलर ऑफ जर्नालिझम पत्रकारितेची पदवी त्यांनी प्रदान केली आहे. गेली अनेक वर्ष वेगवेगळ्या वृत्तपत्रात लोकमत, जागृत महाराष्ट्र न्यूज चॅनल, सीके मराठी न्यूज चॅनल, लाईव्ह पत्रकार जनशक्ती न्यूज चॅनल. अशा वेगवेगळ्या चॅनल ला काम करून पत्रकारितेच्या माध्यमातून लोकांची सेवा करण्याची त्यांना संधी मिळाली. त्या ठिकाणी काम करताना त्यांच्या मनामध्ये विचार आला की आपणही आपल्या आदिवासी समाजाला न्याय
देण्याकरता आपलं स्वतःचं चॅनल सुरू करावं म्हणून स्वतःचं ट्रायबल सेवा न्यूज चॅनल त्यांनी सुरू केलं. या न्यूज चॅनलच्या माध्यमातून सामाजिक, राजकीय, शैक्षणिक, आर्थिक क्रीडा विषयी वेगवेगळ्या समाजावर अन्याय अत्याचार करणाऱ्या बातम्या त्यांनी प्रकाशित केल्या आहेत. लोकांना न्याय मिळवून देण्याच काम त्यांनी खुप मोठ्या प्रमाणात केलं आहे. त्यांच्या ह्या कामगिरीमुळे त्यांना उत्कृष्ट पत्रकार पुरस्कार सुद्धा मिळाला आहे. आमच्या प्रतिनिधीसी बोलताना ते म्हणाले की, मी स्वतःला खूप भाग्यवान समजतो, की संस्थापक अध्यक्ष आदरणीय विजयजी सुर्यवंशी साहेब यांनी माझ्यावर विश्वास ठेवून आदिवासी विकास समिती वर जिल्हा अध्यक्ष म्हणून माझी निवड केली त्याबद्दल प्रथम मी त्यांचे आभार व्यक्त करतो व या पुढे आदिवासी बांधवांना न्याय मिळवून देण्यासाठी सदैव त्यांच्या पाठीशी उभा राहिन याची ग्वाही देतो असे हि ते म्हणाले.
सामाजिक कार्यकर्ते,पत्रकार तथा ट्रायबल सेवा न्यूज चॅनलचे मुख्य संपादक प्रणय कोवे यांच्या कार्याची दखल घेऊन नांदेड जिल्हाध्यक्ष पदाची जबाबदारी त्यांच्यावर सोपवली गेली असल्याने त्यांच्या मित्र परिवारांकडून शुभेच्छा व अभिनंदनाचा वर्षाव होत असल्याचे दिसून येत आहे.
