अखिल भारतीय शिक्षक साहित्य व कला क्रीडा मंडळ किनवट तालुका कार्यकारणी गठीत
किनवट ( प्रतिनिधी ) :
येथील गटशिक्षणाधिकारी कार्यालयातील सभागृहात (ता. २४ ) रोजी बैठक घेऊन अखिल भारतीय शिक्षक साहित्य व कला क्रीडा मंडळ किनवट तालुका कार्यकारणी गठीत करण्यात आली. यावेळी रामस्वरुप मडावी यांची अध्यक्ष तर सूर्यभान खंधारे यांची सचिव म्हणून एकमताने निवड करण्यात आली.
बैठकिच्या अध्यक्षस्थानी अखिल भारतीय शिक्षक साहित्य कला व क्रीडा मंडळ नांदेडचे जिल्हाध्यक्ष मिलिंद जाधव हे होते तर प्रमुख पाहुणे म्हणून मराठवाडा विभागीय अध्यक्ष रमेश मुनेश्वर हे होते. कार्यक्रमाचे सूत्रसंचालन जिल्हा सचिव रुपेश मुनेश्वर यांनी केले तर आभार तालुका सचिव सूर्यभान खंदारे यांनी केले.
अखिल भारतीय शिक्षक साहित्य कला व क्रीडा मंडळ किनवट तालुका शाखेचे कार्यकारणी पुढील प्रमाणे अध्यक्ष रामस्वरूप मडावी, उपाध्यक्ष भुमय्या इंदुरवार, उपाध्यक्ष (महिला) पुनेरथा उमरे, सचिव सूर्यभान खंदारे, सहसचिव विजया तारू, कोषाध्यक्ष सुरज पाटील, सहकोषाध्यक्ष वंदना तामगाडगे, संघटक अर्चना गरुड, आदिंची सर्वानुमते निवड करण्यात आली आहे.
यावेळी उपस्थित सर्वांनी आपापले मनोगत व्यक्त केले. येणाऱ्या काळात मंडळाच्या वतीने कविता लेखन कार्यशाळा, गझल लेखन कार्यशाळा, कथालेखन कार्यशाळा, नाट्य कार्यशाळा, विविध क्रीडा स्पर्धा आणि साहित्य संमेलने आयोजित करण्यावर सविस्तर चर्चा झाली. कार्यक्रमास तालुक्यातील शिक्षक आणि शिक्षिका उपस्थित होते .
