स्नेहल अनंतवारचे ओलंपियाड परीक्षेत यश.
किनवट (प्रतिनिधी):
स्वामी विवेकानंद टेक्नो स्कूल किनवट येथे इयत्ता पाचवी मध्ये शिकणाऱ्या स्नेहल संतोष अनंतवार हिने गणित विषयात ओलंपियाड मध्ये प्रथम क्रमांक पटकावल्या बद्दल तिचे अभिनंदन करण्यात आले.
शैक्षणिक सत्र २०२२-२३ करिता घेण्यात आलेल्या स्पर्धा परीक्षा पैकी एक ओलंपियाड या परीक्षेत गणित विषयातून स्नेहल संतोष अनंतवार हिने प्रथम क्रमांक पटकावला. तर इयत्ता सहावी मध्ये शिकणारी श्रीनिथी हिंगमिरे हिने विज्ञान विषयातून प्रथम क्रमांक व त्याचबरोबर चित्रकला या विषयातून अरूषी कोगूरवार, विज्ञान विषयातून विद्याश्री अचकुलवार या विद्यार्थ्यांनी प्रथम क्रमांक पटकावला.
या यशाबद्दल शाळेचे अध्यक्ष डॉ सुरेंद्र जन्नावार,मोहन जाधव, संतोष तीरमनवार,उल्हास जाधव, अजय चाडावार, सदाशिव जोशी,वट्टमवार,प्राचार्य स्वप्नील पराते व शाळेतील शिक्षक वृंद यांनी अभिनंदन केले आहे.
