प्रदीप नाईक एक चांगला नेता – अशा नेत्याला येणाऱ्या निवडणुकीत निवडून द्या- शेख मेहबूब युवा प्रदेशाध्यक्ष राष्ट्रवादी काँग्रेस

किनवट: दिनांक 19 नोव्हेंबर 2022 रोजी “शरद संवाद मेळावा” गोपीकिशन मंगल कार्यालय गोकुंदा येथे मोठ्या उत्साहात संपन्न झाला. या मेळाव्याचे आयोजन राष्ट्रवादी युवक काँग्रेस पक्षाच्या मेळाव्याचे आयोजन करण्यात आले होते.
शरद संवाद मेळाव्याची सुरुवात भव्य मोटरसायकल रॅलीने करण्यात आली. राष्ट्रवादीची युवा नेते बालाजी बामणे यांच्या नेतृत्वाखाली चिखली ते गोकुंदा येथील ठाकरे चौक पर्यंत भव्य मोटार सायकल रॅली काढण्यात आली. राष्ट्रवादी युवक काॅंग्रेसचे प्रदेशाध्यक्ष श्री.महेबूबभाई शेख, किनवट-माहुर विधानसभा मतदारसंघाचे माजी आमदार श्री.प्रदिपजी नाईक साहेब, राष्ट्रवादी युवक काॅंग्रेसचे प्रदेश कार्याध्यक्ष श्री.चंदन पाटील नागराळकर, राष्ट्रवादी युवक काॅंग्रेस नांदेड निरीक्षक श्री.निशांतभाऊ वाघमारे, जिल्हाध्यक्ष धनंजय सुर्यवंशी यांचे जेसीबीच्या साह्याने भल्यामोठ्या हाराने व फटाक्याच्या अतिष बाजीने करण्यात आले.

राष्ट्रवादीचे राष्ट्रीय अध्यक्ष शरदचंद्रजी पवार साहेब यांच्या वाढदिवसानिमित्त “शरद संवाद यात्रेचे आयोजन करण्यात आले होते.
याप्रसंगी बोलताना युवा प्रदेशाध्यक्ष मेहबूब भाई शेख म्हणाले की, आमचे राष्ट्रीय अध्यक्ष शरदचंद्रजी पवार साहेबांनी केलेले कार्य लोकांपर्यंत पोहोचावे यासाठी या संवाद यात्रेचे आयोजन करण्यात आलेले आहे. सदरील यात्रा आतापर्यंत 250 तालुक्यात पोहोचलेली आहे. तसेच राष्ट्रवादी युवक काँग्रेस मजबूत करण्याच्या दृष्टिकोनातून आम्ही प्रयत्नशील आहोत.

येणाऱ्या 2024 च्या विधानसभेत प्रदीप नाईक यांना बहुमताने विजयी करा.कारण प्रदीप नाईक एक चांगला नेता आपल्याला लाभलेला आहे जो किनवट माहूर तालुक्यातील कार्यकर्त्यांना व जनतेला आपला परिवार मानतो. अशा चांगल्या नेत्याला येणाऱ्या निवडणुकीत निवडून द्या असे आवाहन ही त्यांनी केले.
सदरील मेळाव्यास किनवट/ माहूर तालुक्यातील पदाधिकारी कार्यकर्ते बहुसंख्येने उपस्थित होते.