मलकापूर खेरडा ता.किनवट येथील दोन महिला डुकरांच्या अचानक केलेल्या हल्ल्यात जखमी.

किनवट/प्रतिनिधी: दिनांक 8 एप्रिल 2022 रोजी मौजे खेरडा शिवारातील शेत सर्वे नंबर 33/3 मध्ये शेतात सौ.जोत्स्ना सुनील राठोड व शिल्पा अविनाश राठोड रा.मलकापूर खेरडा ह्या कापूस वेचत असताना अचानक रानडुकराने हल्ला करून दोन महिलांना जखमी केले आहे.

महिलांच्या नातेवाईकांनी त्यांना डॉक्टर अशोक बेलखेडे यांचे साने गुरुजी रुग्णालय येथे त्यांना उपचारार्थ दाखल करून याविषयी त्याच्या नातेवाईकांनी वन विभागाचे वन परिमंडळ अधिकारी यांना मोबाईल द्वारे झालेल्या घटना ची माहिती सांगितल्यावरून वन परिमंडळ अधिकारी जि. टी. माझाळकर,एस.एन. सांगळे, वनरक्षक कापसे व ड्रायव्हर आवळे यांनी दवाखान्यात जाऊन रुग्णाची भेट घेतली व त्यांना पुढील उपचार घेण्यास सांगितले.