कुंडलवाडी पोलीस ठाण्याचे सहाय्यक पोलीस निरीक्षक म्हणून करीमखान पठाण रूजू

कुंडलवाडी प्रतिनिधी (धर्मपुरे गणपत) कुंडलवाडी पोलीस ठाण्याचे सहाय्यक पोलीस निरीक्षक सुरेश मान्टे यांची बदली परभणी जिल्ह्यात करण्यात आली असून त्यांच्या बदलीचे आदेश दि.१९ ऑगस्ट २०२१ रोजी विशेष पोलीस महानिरीक्षक निसार तांबोळी,नांदेड यांनी काढले होते.

सपोनि सुरेश मान्टे कुंडलवाडी शहरातील जनतेची चांगल्याप्रकारे (दि.०५ सप्टेंबर २०१९ ते १९ ऑगस्ट २०२१) पर्यंत म्हणजेच जवळपास दोन वर्ष सेवा केली असुन यांच्याच कार्यकाळात कुंडलवाडी पोलीस ठाण्याला नुतन ईमारतीमध्ये स्थलांतरित करण्यात आले आहे.
तर त्यांच्या जागी आता नायगाव तालुक्यातील कुंटुर पोलीस ठाण्यात सहाय्यक पोलीस निरीक्षक म्हणून कार्यरत असलेले अधिकारी आता ते कुंडलवाडी पोलीस ठाण्याचे नवीन सहाय्यक पोलीस निरीक्षक म्हणून रुजू झाल्याची माहिती पोलीस विभागामार्फत मिळाली आहे.