अभिषेकचा MBBS ला प्रवेश. ‘लसाकम ‘ कडून अभिनंदन !
लातूर – येथील दलित महासंघाचे जिल्हाध्यक्ष अनंत दोरवे यांचे सुपूत्र अभिषेक यांचा पहिल्या फेरीत शासकीय वैद्यकीय महाविद्यालय, धाराशिव येथे प्रवेश निश्चीत झाला आहे. त्यांच्या या यशाचे लहुजी साळवे कर्मचारी महासंघ ( लसाकम ) या संघटनेचे जिल्हाध्यक्ष एकनाथ पलमटे यांनी त्यांच्या घरी जाऊन शाल, पुष्पाहार आणि पेढे देऊन अभिनंदन केले.
यावेळी लसाकम चे कार्यकर्ते शिरीष दिवेकर, प्रल्हाद साळुंके आणि नागनाथ डोंगरे यांनी अभिषेकसाठी उज्वल भविष्याच्या शुभेच्छा देताना एका सामाजिक कार्यकर्त्याच्या मुलाने मिळविलेल्या या यशाने समाजामध्ये पसरलेला “सामाजिक कार्य करणाऱ्यांचे घर आणि मुले वाया जातात “हा गैरसमज दूर झाला आहे. त्यामुळे अभिषेक विशेष अभिनंदनास पात्र ठरला आहे. असे सांगीतले. सूत्रसंचलन नरसिंग घोडके यांनी केले.तर सत्काराला उत्तर देताना अभिषेकने आपण कितीही मोठे झालो तरी सामाजिक ऋण विसरणार नाही असे म्हटले. यावेळी अभिषेकच्या मातोश्री, पिताजी आणि बहिण अक्षता यांनी ‘ लसाकम ‘ टीमचे आभार व्यक्त केले.
