बहिणीच्या चारित्र्यावर संशय घेऊन का त्रास देतोस म्हणून मेव्हण्याचा खून

किनवट/प्रतिनिधी: तू माझ्या बहिणीच्या चारित्र्यावर संशय घेऊन का त्रास देतोस. या कारणावरून आरोपी राजू प्रकाश वानोळे वय 20 वर्ष रा. धानोरा ता. किनवट या त्याच्या मेहुण्याने दि.01/06/2023 रोजी दुपारी 2:30 वाजता मयताच्या सासरी धानोरा ता. किनवट येथे डोळ्यात लाल मिरची पावडर टाकून त्याच्या छातीत व बरगडीवर चाकूने वार करून अंकुश माधव शेळके वय 28 वर्षे रा. पिंपरफोडी ता.किनवट यांचा खुन केला असल्याची तक्रार मायताचे मित्र फिर्यादी नरसिंग देवन्ना बीडगुलवार वय 45वर्षे व्यवसाय मजुरी रा. पिंपरफोडी ता. किनवट जि. नांदेड यांनी पो स्टे किनवट येथे दिलेल्या फिर्यादीवरून किनवट पोलीस ठाण्यात गु. रं.न.व कलम 140/2023 कलम 302 भा. दं. वि. प्रमाणे गुन्हा नोंद करण्यात आला असून पुढील तपास पो. नि. बोरसे यांच्या मार्गदर्शनाखाली पो.उप. नि. सावंत हे करीत आहेत.