नरसी बसस्थानकात सामाजिक कार्यकर्त्यांच्या वतीने पानपोई सुरू
*नांदेड जिल्हा प्रतिनिधी:संजीवकुमार गायकवाड*
*नांदेड*:दि.17.नांदेड जिल्ह्यातील एक महत्त्वाचे ठिकाण म्हणून ओळखल्या जाणाऱ्या नरसी (ता.नायगांव) येथील बसस्थानकामध्ये होटाळा येथील सामाजिक कार्यकर्ते चंद्रकांत दशरथ पवार यांच्यावतीने आपल्या जन्मदिनाचे औचित्य साधून नुक्तेच पानपोई सुरुवात केली आहे.
त्यामुळे तूर्तास प्रवाशांची तहान भागत असल्याचे दिसून येत आहे.दरम्यान उन्हाची तीव्रता मोठ्या प्रमाणात वाढली असून येथील बसस्थानकामध्ये एस टी महामंडळाच्या वतीने पिण्याच्या पाण्याची कसलीच व्यवस्था नसल्यामुळे प्रवाशांची प्रचंड गैरसोय होत आहे.
ही बाब लक्षात घेऊन या ठिकाणी चंद्रकांत पवार या सामाजिक कार्यकर्त्याने फिल्टर चे थंड पाणी उपलब्ध करून दिले आहे.या उल्लेखनीय कार्याबद्दल त्यांचं सर्व स्तरातून स्वागत करण्यात येत आहे.
149 Views
