वंजारवाडी (दिगडी-मंगाबोडी, किनवट) येथिल ह.भ.प.रामराव महाराज केंद्रे आज (१९ मे) दुपारी अनंतात विलिन
किनवट (प्रतिनिधी )- वंजारवाडी (दिगडी-मंगाबोडी, किनवट) येथिल ह.भ.प.रामराव महाराज केंद्रे आज (१९ मे) दुपारी अनंतात विलिन झाले आहेत. वयाच्या ८२ व्या वर्षी आजच पहाटे २.२९ वाजता त्यांची प्राणज्योत मालवली. त्यांच्या पश्चात पत्नी, मुलं, सुना, मुली, नातवंड असा परिवार आहे. किनवट येथिल श्री गजानन महाराज मंदीर आणि वंजारवाडीसह अन्य ठिकाणच्या अखंड हरीनाम सप्ताहात यापुढे त्यांची उणिव जाणवणार असल्याच्या त्यांच्या चाहत्यांकडून प्रतिक्रिया ऐकायला मिळाल्या.
सधन शेतकरी, किनवट शहरातील जिजामाता चौकातील मशहूर लाॅजींगचे मालक, ग्रंथांचे व्यासंग अभ्यासक, कीर्तनकार आणि रोखठोख भाषी असणारे मुर्तीमंत ह.भ.प.रामराव महाराज केंद्रे यांचे शुक्रवारी (१९ मे) अल्पशा आजाराने वयाच्या ८२ व्या वर्षी निधन झाले. वंजारवाडी, मांडवा, नागझरीसह अनेक गावातील भजनी मंडळांनी अंत्यविधी दरम्यान भजनं सादर करुन आणि उपस्थितांनी श्रद्धांजली वाहिली.
