माता रमाई आंबेडकर जयंतीनिमित्त गायक ; राहूल अन्वीकरांचा प्रबोधनात्मक कार्यक्रमाचे आयोजन

*नांदेड जिल्हा प्रतिनिधी:संजीवकुमार गायकवाड*

*नांदेड*:दि.13.महान त्यागमूर्ती माता रमाई आंबेडकर यांच्या जयंतीच्या निमित्ताने वंचित बहुजन आघाडी (दक्षिण) नांदेडच्या वतीने बुधवार १५ फेब्रुवारी रोजी सायंकाळी नवीन नांदेडातील ‘जेतवन’ बुद्ध विहाराच्या (गुरूवार बाजार) प्रांगणात सुप्रसिद्ध गायक तथा राष्ट्रीय प्रबोधनकार राहूल अन्वीकर यांचा भिमगितांचा प्रबोधनात्मक कार्यक्रम आयोजित करण्यात आला आहे.

वंचित बहुजन आघाडी,नांदेड (दक्षिण)च्या वतीने १५ फेब्रुवारी रोजी माता रमाई आंबेडकर यांच्या जयंतीमहोत्सवानिमित्त १५ फेब्रुवारी रोजी सायंकाळी ‘सिडको’ नांदेड येथे होत असलेल्या कार्यक्रमाच्या अध्यक्षस्थानी वंचित बहुजन आघाडीचे प्रदेशाध्यक्षा रेखाताई ठाकूर यांची उपस्थिती राहणार आहे.

या जयंतीमहोत्सवाचे उदघाटन वंचित बहुजन आघाडीचे प्रदेश प्रवक्ते फारूक अहेमद यांचे हस्ते होणार असून, कार्यक्रमास प्रमुख पाहुणे म्हणून वंचित बहुजन आघाडीचे राज्य उपाध्यक्ष गोविंद दळवी,नागोराव पांचाळ,डॉ.संघरत्न कुऱ्हे, जिल्हाध्यक्ष शिवा नरंगले व शिवसेनेचे उप जिल्हाप्रमुख व्यंकोबा येडे,शिवसेनेचे शहरप्रमुख जित्तुसिंग टाक,माजी शहरप्रमुख निवृत्ती जिंकलवाड यांच्यासह ‘संभाजी’ ब्रिगेडचे संकेत पाटील,वंचित बहुजन आघाडीच्या जिल्हाध्यक्षा अनुक्रमे दैवशाला पांचाळ,निरंजनाताई आवटे,भारतीय बौद्ध महासभेचे जिल्हाध्यक्ष पी.एम.वाघमारे, श्याम कांबळे,डॉ.राम वनंजे, भिमराव केंद्रीकर,बी.डी.कांबळे, संजय टीके,इंद्रजित पांचाळ, महेंद्र सोनकांबळे,टी.एन. वडगावकर,कैलाश वाघमारे, केशव कांबळे,नरसिंग दरबारे, तुकाराम हनुमंते,भीमराव बेरजे, जयसिंगराव ढवळे,इंजि. प्रशांत इंगोले,चंद्रकला चापलकर, संजना गायकवाड,करूणाताई खंडेलोटे,मोतीराम गायकवाड आदींची प्रमुख उपस्थिती राहणार आहे.

नवीन नांदेड परिसरातील बळीरामपूर,गोपाळचावडी, वाघाळा,वसरणी,वाजेगाव, धनेगाव,विष्णूपुरी,असदवन, असर्जन,कौठा व सिडको-हडको भागातील बहुजन समाजातील बंधू-भगिनींनी उपरोक्त कार्यक्रमास हजोरोंच्या संख्येने उपस्थित राहून लाभ घ्यावा,असे आवाहन माता रमाई आंबेडकर जयंतीमहोत्सवाचे आयोजक तथा वंचित बहुजन आघाडीचे महानगराध्यक्ष विठ्ठल गायकवाड व त्यांचे सहकारी अनिल बेरजे, अमृत नरंगलकर,साहेबराव भंडारे,नंदकुमार गच्चे,पी.डी. झडते,रवी पंडीत,सुरेश गजभारे, श्यामराव कांबळे,विनायक गजभारे,सिध्दार्थ पवार व त्यांचे सहकारी पदाधिकारी-कार्यकर्त्यांनी केले आहे.