किनवट पोलीस स्टेशन येथे राष्ट्रीय पत्रकार दिनाचे औचित्य साधून पेन व पुष्पगुच्छ देऊन पत्रकारांचा सत्कार .
किनवट/प्रतिनिधी :किनवट पोलीस स्टेशन येथे राष्ट्रीय पत्रकार दिनाचे औचित्य साधून पेन व पुष्पगुच्छ देऊन पोलीस उपनिरीक्षक श्री वाठोरे साहेब यांच्या हस्ते पत्रकारांचा सत्कार करण्यात आला.
नांदेड जिल्ह्यात पोलिसांच्या वतीने दिनांक 2 जानेवारी ते 8 जानेवारी “रेझिंग डे” सप्ताह साजरा होत आहे. त्या अनुषंगाने किनवट पोलीस स्टेशनच्या वतीने विविध शाळा महाविद्यालय तसेच किनवट शहरातील नागरिकाना “रेझिंग डे” च्या निमित्ताने पोलीस स्टेशन संबंधी तसेच पोलीस स्टेशनच्या कामकाजाविषयी व अवजाराविषयी ची माहिती देण्यात येत आहे असे श्री वाठोरे यांनी सांगितले.
किनवट शहरात रोड रोमिओचा हौदोस चालू आहे त्या निमित्ताने बोलताना सांगितले की, ठाकरे चौक व बस स्टँड येथे रोमिओचा बंदोबस्त करण्यासाठी पोलीसाची नेमणूक करण्यात आली आहे. त्यामुळे पालकांनी चिंता करण्याची कारण नाही. तसेच शहरातील जिजामाता चौकामधील गर्दी लक्षात घेता येतील ऑटो पॉईंट इतरत्र हलविण्यात यावा असे पत्रकारांनी सूचना केली तेव्हा याविषयी लवकरात लवकर कार्यवाही करण्यात येईल अशी त्यांनी आश्वासन दिले.
