दिगडी मंगाबोडी येथील उपसरपंच पदी राजू मुंडे यांची बिनविरोध निवड
किनवट (प्रतिनिधी)
किनवट तालुक्यातील नुकत्याच पार पडलेल्या ग्रामपंचायत निवडणुकीत दिगडी मं. येथील नलिनी अविनाश किनाके ह्या सरपंच म्हणून विजयी झाल्या तर आज उपसरपंच पदासाठी अटीतटीच्या निवडणुकीत राजू सोपान मुंडे यांची बिनविरोध निवड झाली आहे.
आज ग्रामपंचायत कार्यालय दिगडी मंगाबोडी येथे उपसरपंच पदाची निवडणूक पार पडली.या ठिकाणी पिठासीन अधिकारी म्हणून तहसिल कार्यालयाचे वरिष्ठ अधिकारी (पेशकार) श्रोते यांनी काम पाहिले तर त्यांना तलाठी सचीन भालेराव,एस.एम.गोणशेटवार ग्रामसेविका, पोलिस काॅ. माहुरे यांनी सहकार्य केले.
याठिकाणी सदस्य तेलंगराव जंगा धडंजे, शोभा सुभाष बेताल, देविदास कोंडीबा पेंदोर, रूपाली सत्यपाल साळवे, प्रियंका कैलास किनाके,व ग्रामपंचायत कर्मचारी प्रल्हाद पेंदोर,अंगद टाक,ऑपरेटर तिरूपती घुगे इत्यादींची उपस्थिती होती.
सरपंच पदी निवडून आलेल्या नलिनी किनाके व उपसरपंच पदी राजू सोपान मुंडे यांची बिनविरोध निवड झाल्याने सर्व ग्रामपंचायत सदस्य व ग्रामस्थांनी त्यांचे अभिनंदन केले आहे.
