वनकर्मचार्यांना रु.37980 रुपये किंमतीचा मुद्देमाल जप्त करण्यात यश

किनवट/प्रतिनिधी: दिनांक 15/12/2022 रोजी रात्री 22:10 वाजेच्या दरम्यान गुप्त माहितीवरून कोठारी गोकुंदा रोडवर वनकर्मचारी दबा धरून बसले असता किनवटच्या दिशेने संशयित आटोला थांबवण्याचा इशारा केला असता ऑटो परत चिखली गावाकडे पळून जाण्याचा प्रयत्न करत असताना सर्व वनकर्मचार्यांनी ऑटोचा पाठलाग करून तो पकडण्यात यश मिळवले परंतु या कार्यवाही मधील आरोपी अंधाराचा फायदा घेऊन पळून जाण्यात यशस्वी झाले. या कार्यवाहीत मा.उपवसंरक्षक श्री. वाबळे साहेब,मा.सहाय्यक वनसंरक्षक श्री. गिरी साहेब वनपरिक्षेत्र अधिकारी श्री. पी.एल.राठोड साहेब यांच्या मार्गदर्शनाखाली वनपाल चिखली श्री .एम.एन.कत्तूलवार, वनपाल किनवट श्री.एस.एम.कोंपलवार,वनपाल (जंकास),श्री.सांगळे, वनरक्षक संतोष घायाळ,कुलदीपमुळे,दांडेगावकर,फोले,लेखापाल एम.जे.गंगलवाड ,वनमजूर शेख नूर मामू व वाहनचालक बाळकृष्ण आवले यांचा सक्रीय सहभाग होता. जप्त केलेला सागी कट साईज नग- 63 व घन मीटर 0.3782आणि किंमत-7980=00 व ऑटो किंमत अंदाजे 30,000=00 असे एकूण-37980=00
रुपये किंमतीचा मुद्देमाल जप्त करण्यात यश मिळविले आहे.