अवैद्य रित्या सागवान चोरट्यास सिनेस्टाईल पाठलाग करून पकडण्यात यश.

किनवट(आनंद भालेराव):
अवैद्य रित्या सागवान चोरट्यास घोटीफाटा ते मलकापूर या मार्गावर सिनेस्टाईल पाठलाग करून पकडण्यात आले. सदरील घटना 9 जून रोजी रात्री दहा वाजता च्या दरम्यान घडली.

किनवट वनपरिक्षेत्र कार्यालयाच्या हद्दीतील कोठारी वन तपासणी नाक्यावर चिखली बीटचे वनरक्षक वैद्य, वनरक्षक कोमल मरस्‍कोले व वनरक्षक पुण्यरथा माहुरे यांनी रात्री 9 वाजता सापळा रचून बसले असता त्याचवेळी चिखली वरून 39 कट साइज सागवान न घेऊन चिखली होऊन ऑटो क्रमांक टी एस 16-यु.ए.2515 हा नाक्यावर आला त्यास रोखण्याचा इशारा केला परंतु त्यांनी पळ काढला दरम्यान या कर्मचाऱ्यांनी त्याचा पाठलाग केल्यानंतर त्याने किनवट घोटी फाटा मार्गे मलकापूर( खेरडा) मार्गाने जात असताना त्यांना पकडण्यात यशआले. आरोपीला किनवट न्यायालयाने 15 जून पर्यंत न्यायालयीन कोठडी सुनावली आहे. वनपरिक्षेत्राधिकारी के.एन. खंदारे, फिरत्या पथकाचे वनपरिक्षेत्र अधिकारी योगेश शेरेकर, चिखलीचे वनपाल शहाजी डोईफोडे, वनरक्षक वैद्य, महिला वनरक्षक कोमल मरस्‍कोले, वनरक्षक पूनरथा माहुरे तसेच वाहन चालक बी.व्हि. आवळे यांच्या पथकाने सदरील धडक कारवाई केली.