पूर्व माध्यमिक शिष्यवृत्ती परीक्षेत भूपेश विनोद राठोड हा विद्यार्थी जिल्ह्यातून दुसरा तर किनवट तालुक्यातून प्रथम क्रमांक

किनवट :(तालूका प्रतिनिधी)
येथील महाराष्ट्र शासन व महाराष्ट्र राज्य शिक्षण परिषद पुणे यांच्या संयुक्त विद्यमाने घेतल्या जाणार्‍या पूर्व माध्यमिक शिष्यवृत्ती परीक्षेत भूपेश विनोद राठोड हा विद्यार्थी जिल्ह्यातून दुसरा तर किनवट तालुक्यातून प्रथम क्रमांक संपादित करत घवघवीत यश संपादन केले आहे.
भूपेश विनोद राठोड यांनी या परीक्षेत 75 गुण घेऊन नांदेड जिल्ह्यातून दुसरा व किनवट तालुक्यातून पहिला येण्याचा बहुमान पटकावला आहे. तसेच आर्यन फाळके, प्रगती कावळे व आयुष पाटील हे विद्यार्थी देखील शिष्यवृत्ती परीक्षेत पात्र ठरले आहेत.
सदरील परीक्षांचा निकाल महाराष्ट्र राज्य शिक्षण परिषद पुणे यांनी नुकताच घोषित केला. किनवट सारख्या अतिदुर्गम भागातील विद्यार्थ्यांनी मेहनत व जिद्दीच्या बळावर यात यश संपादन केले आहे. वरील यशाचे श्रेय विद्यार्थ्यांनी त्यांच्या आई-वडील व गुरुजन वर्गांना दिले आहे.