जिवती नगरपंचायत निवडणुकीत काँग्रेस/राष्ट्रवादी काँग्रेस ला बहुमत द्या- आ.सुभाष धोटे
जिवती:प्रतिनिधी: जिवती नगरपंचायत निवडणुकीत काँग्रेस/राष्ट्रवादी काँग्रेस च्या उमेदवाराना प्रचंड मतांनी विजयी करून जिवती शहाराचा विकास करण्याची संधी द्यावी असे आवाहन आमदार सुभाष धोटे यांनी नगरपंचायत प्रचारात केले.
राज्यात महाविकास आघाडीचे सरकार असून त्यात राष्ट्रवादी /काँग्रेस हा मुख्य घटक पक्ष असून जिवती नगरपंचायत काँग्रेस/राष्ट्रवादी च्या ताब्यात दिली तर अधिकाधिक निधी आणून जिवती शहराचा अधिक विकसित करता येईल असेही सुभाष धोटे यांनी सांगितले.
जिवती नगरपंचायत निवडणूक प्रचाराकरिता सभा, कॉर्नर बैठका, रॅली चे आयोजन शहरात केले होते. या कार्यक्रमाच्या अध्यक्षस्थानी आ.सुभाष धोटे हे होते .
यावेळी आमदार सुभाष धोटे यांच्या हस्ते काँग्रेस पक्षाच्या जाहिरनाम्याचे प्रकाशन करण्यात आले.
यावेळी आमदार सुभाष धोटे यांनी आजवर आम्ही केलेल्या विकासाची पावती म्हणून एकदा जिवती नगरपंचायतची सत्ता काँग्रेस/राष्ट्रवादी काँग्रेसच्या ताब्यात द्या असे आवाहन करून जिवती शहराचा विकास मोठया प्रमाणावर करू असे सांगितले.
यावेळी जिवती तालुक्यातील काँग्रेस/राष्ट्रवादी काँग्रेसच्या ता.अध्यक्षा सह अनेक पदाधिकारी व कार्यकर्ते मोठया प्रमाणावर उपस्थित होते.
विशेष वॉर्ड क्रमांक 1 चे उमेदवार डॉ. अंकुश अर्जुनराव गोतावळे हे सुसक्षित,उच्च विध्याविभूषित असून आपल्या प्रश्नांची ते योग्य प्रकारे सोडवणूक करू शकतील. त्यामुळे या वॉर्डातील मतदारांनी यांच्या पाठीशी राहून भरघोस मतांनी विजयी करण्याचे आवाहन केले.
