ब.पा.महाविद्यालयाचे सेवानिवृत्त प्राध्यापक इंद्रसिंग राठोड यांचे आज सकाळी हृदय विकाराच्या धक्क्याने निधन
किनवट ता.प्र दि ०१ बळीराम पाटील महाविद्यालयाचे सेवानिवृत्त प्राध्यापक इंद्रसिंग राठोड यांचे आज सकाळी ह्रुद्यविकाराच्या धक्क्याने निधन झाले, प्रा. इंद्रसिंग राठोड हे किनवट माहुर तालुक्यात स्त्रिशिक्षणाचे प्रणेते आहेत त्यांनी स्त्रिशिक्षणाच्या करिता अनेक शाळा, महाविद्यालयाची स्थापना केली आहे. देशाचे नेते शरदचंद्र पवार यांचे ते एकेकाळी अत्यंत घणिष्ठ समर्थक होते त्यांनी शरदचंद्र पवार यांच्या नेतृत्वाखाली एस कॉग्रेस तर्फे विधानसभा निवडणुक लढवली होती ज्यामध्ये त्यांचा अत्यल्प मताने पराभव झाला होता.
किनवट माहुर विधानसभा मतदारसंघात त्यांचे शिक्षण व सामाजिक कार्य मोठे होते त्यांच्या दुरदृष्टीमुळे किनवट तालुक्यात स्त्रिशिक्षणाची गंगा वाहत आहे. तर त्यांच्या पश्चात पत्नी, दोन मुले, दोन मुली, सुना, नातवंड असुन त्यांच्या स्त्रिशिक्षणाकरीता लावलेल्या रोपट्याचे आज वटवृक्ष झाले असुन त्या छायेखाली अनेक कर्मचारी कार्यरत आहेत.
प्रा. इंद्रसिंग राठोड यांच्या निधनाबद्दल समाजातील सर्वच क्षेत्रातुन दुखः व्यक्त करण्यात येत असुन आ. भिमराव केराम, माजी आ. प्रदीप नाईक, राष्ट्रवादी कॉग्रेसचे ता. अध्यक्ष प्रकाश राठोड, जिल्हा बॅकेचे माजी अध्यक्ष दिनकर दहिफळे, भाजपा नेते सुधाकर भोयर, कॉग्रेस चे ता. अध्यक्ष सुर्यकांत रेड्डी, भाजपा चे ता. अध्यक्ष संदिप केंद्रे, शिवसेनेचे ता.प्रमुख बालाजी मुरकुटे, बाजार समितीचे सभापती अनिल क-हाळे, नगराध्यक्ष आनंद मच्छेवार, माजी नगराध्यक्ष इसा खान, व्यंकटराव नेम्मानिवार, सुनिल पाटील, भाजपा चे अशोक नेम्मानिवार, साजिद खान, जहिरोद्दीन खाम, फेरोझ तवंर यांच्यासह विविध क्षेत्रातील मान्यवरांनी दुख व्यक्त केले आहे. तर राष्ट्रवादी कॉग्रेस पक्षाचे नगराध्यक्ष पदाचे उमेदवार व स्विकृत सदस्य प्रविण राठोड तथा सुमतीबाई उच्चमाध्यमिक विद्यालयाचे अध्यक्ष सचिन राठोड यांचे ते वडील आहेत.
