शिवशंकर नगर गोकुंदा येथे श्री ओंकारेश्वर महादेव मंदिर शिवलिंग प्राणप्रतिष्ठा कार्यक्रम सोहळा संपन्न

किनवट (प्रतिनिधी )शिवशंकर नगर गोकुंदा येथे श्री ओंकारेश्वर महादेव मंदिर शिवलिंग प्राणप्रतिष्ठा कार्यक्रम सोहळा संपन्न झाला.आज दिनांक 7 मार्च रोजी सकाळी4=00 वाजता शंभू महादेवाचे नंदी व पिंडीची प्राणप्रतिष्ठा संपन्न झाली. सकाळी 9=00 वाजता शंकर नगर गोकुंदा येथून कलशधारी महिलांची भव्य शोभायात्रा ठाकरे चौक गोकुंदा इथपर्यंत काढण्यात आली होती. यामध्ये शेकडो महिलांनी सहभाग घेतला .दुपारी 11 वाजून 05 मिनिटाला कलशारोहण कार्यक्रम गंगेश्वर महाराज सोमेश्वर देवस्थान मदनापूर यांच्या हस्ते संपन्न झाला. उद्या दिनांक 8 मार्च रोजी महाशिवरात्रीनिमित्त ओंकारेश्वर महादेव शिवपूजन मध्यरात्री 12 =25 वाजता पासून ते उत्तर रात्री 1=13 पर्यंत होणार आहे सकाळी 5वाजता रुद्राभिषेक तसेच 8=30 वाजता महाआरथी व महाप्रसाद होणार आहे. दिनांक 9मार्च रोजी सकाळी 7=30 वाजता महाआरथी, महाप्रसाद भंडारा सकाळी 11 ते दुपारी 4=00 पर्यंत तसेच सायंकाळी हरिभक्त पारायण श्री रघुनाथ महाराज कराड बोधडीकर यांचे जाहीर कीर्तन होणार आहे. या कार्यक्रमास मोठ्या संख्येने भावी भक्तांनी उपस्थित रहावे असे आव्हान शिवशंकर नगर गोकुंदा येथील रहिवासी च्या वतीने करण्यात आले आहे . या प्राणप्रतिष्ठा कार्यक्रमांमध्ये शांतीपाठ गणपती पूजन पूजा हवन मातृका पूजन गो पूजन सर्व गोत्र पूजन देवता आव्हान नवग्रह पूजन जलाधिवास इत्यादी धार्मिक कार्यक्रम संपन्न झाले. या कार्यक्रमाचे धार्मिक पूजन आकाश महाराज जोशी दत्तनगर यांनी केले.