संस्थापक अध्यक्ष डी. टी. आंबेगावे यांच्या वाढदिवसानिमित्त वृध्दाश्रमात खाऊ वाटप ;प्रेस संपादक व पत्रकार सेवा संघ सोलापूर जिल्ह्याच्या वतीने केले होते आयोजन
सोलापूर : प्रेस संपादक व पत्रकार सेवा संघाचे संस्थापक अध्यक्ष डी. टी. आंबेगावे यांचा वाढदिवस सोलापूर जिल्ह्यातील टेंभुर्णी येथे गोविंद वृध्दाश्रमात फराळ वाटप करून वृद्ध आजोबांच्या हस्ते केक कापून मोठ्या उत्साहात साजरा करण्यात आला.
पत्रकारांच्या समस्या प्रभावीपणे सोडवणारी, त्यांच्या प्रत्येक अडचणीत धावून येणारी सामाजिकतेचे भान ठेवून सामाजिक कार्यक्रमात आग्रहाने सहभागी होणारी प्रेस संपादक व पत्रकार सेवा संघ गेल्या काही वर्षापासून संस्थापक अध्यक्ष डी. टी. आंबेगावे यांच्या मार्गदर्शनाखाली संपूर्ण महाराष्ट्रामध्ये उत्कृष्ट कार्य करीत आहे. महाराष्ट्रातल्या प्रत्येक तालुक्यात संघटना कार्यरत असून पत्रकारांच्या न्याय हक्कासाठी लढा देत आहे. या संघटनेचे संस्थापक अध्यक्ष डी. टी. आंबेगावे यांचा वाढदिवस संपूर्ण महाराष्ट्रभर विविध उपक्रमांनी साजरा केला जातो. त्याचाच एक भाग म्हणून सोलापूर जिल्हा कार्यकारिणीच्या वतीने सोलापूर जिल्ह्यातील टेंभुर्णी येथील गोविंद वृध्दाश्रमामध्ये खाऊ वाटप करून वृद्ध आजोबांच्या हस्ते केक कापून वाढदिवस साजरा करण्यात आला.
कार्यक्रमाच्या सुरवातीला अतुल नाना माने पाटील यांना कृषीथॉन युवा सन्मान जाहीर झाल्याबद्दल प्रेस संपादक पत्रकार सेवा संघाच्या वतीने संघाचे मोहोळ शहर अध्यक्ष जिवराज गुंड पाटील यांच्या हस्ते सत्कार करण्यात आला. याप्रसंगी प्रेस संपादक पत्रकार संघाचे सोलापूर जिल्हाध्यक्ष सोमनाथ खंडागळे, उपाध्यक्ष नौशाद मुलाणी, जिल्हा कार्याध्यक्ष संदिप भगत, जिल्हा सचिव प्रमोद राऊत, माळशिरस तालुका अध्यक्ष शशिकांत कडबाने, समीरभाई शेख, दशरत महाराज देशमुख, प्रशांत देशमुख आदी पदाधिकारी उपस्थित होते.
पत्रकार डी. टी. आंबेगावे यांचा वाढदिवस आमच्यासोबत साजरा केल्यामुळे आम्ही आमच्या मुलाचा वाढदिवस साजरा करीत असल्याची भावना यावेळी वृद्धाश्रमातील आजोबांनी व्यक्त केली.
