शास्त्री महाविद्यालयात वर्णी नागभूषण यांचा सत्कार

*नांदेड जिल्हा प्रतिनिधी:संजीवकुमार गायकवाड*

*नांदेड*:दि.24.जिल्यातील धर्माबाद शिक्षण संस्थेचे सहसचिव तथा माजी मुख्यमंत्री अशोकरावजी चव्हाण साहेब यांचे कट्टर समर्थक काँग्रेस पक्षाचे निष्ठावान कार्यकर्ते वर्णी नागभूषण यांची नुकतीच नांदेड जिल्हा काँग्रेस वर्किंग कमिटीच्या उपाध्यक्षपदी निवड करण्यात आली आहे.

या नियुक्तीचे पत्र नुकतेच नांदेड जिल्हा काँग्रेस कमिटीचे अध्यक्ष यांनी प्रसिद्ध केले आहे. काँग्रेस पक्षाने नांदेड जिल्हा काँग्रेस वर्किंग कमिटीच्या कार्यकारणीत फेरबदल करत ग्रामीण व शहरी भागात काँग्रेस पक्षाची बांधणी मजबूत करता येईल.असा संकल्प ठेवुन महाराष्ट्र प्रदेश काँग्रेस कमिटीचे अध्यक्ष नाना पटोले आणि माननीय अशोकरावजी चव्हाण साहेब यांनी नांदेड़ जिल्हा काँग्रेस कार्यकारणीत नव्या चेहऱ्यांना काम करण्याची संधी मिळवून दिली आहे.

त्याबद्दल धर्माबाद शिक्षण संस्था संचलित लालबहादूर शास्त्री महाविद्यालयाच्या वतीने धर्माबाद शिक्षण संस्थेचे सहसचिव तथा नवनिर्वाचित नांदेड जिल्हा काँग्रेस वर्किंग कमिटीचे उपाध्यक्ष वर्णी नागभूषण यांचा महाविद्यालयाच्या सर्व स्टाफच्या वतीने सत्कार करण्यात आला.यावेळी महाविद्यालयाचे प्राचार्य डॉ. कमलाकर कणसे, उप प्राचार्य डॉ. योगेश जोशी, कनिष्ठ महाविद्यालयाच्या उप प्राचार्य प्रा.वसुंधरा वडवळकर तसेच महाविद्यालयातील सर्व विभाग प्रमुख,सहयोगी प्राध्यापक,सहाय्यक प्राध्यापक आणि प्रशासकीय कर्मचाऱ्यांच्या उपस्थितीत सत्कार करण्यात आला. या सत्काराला उत्तर देताना वर्णी नागभूषण म्हणाले की, माननीय अशोकरावजी चव्हाण साहेब यांच्या मार्गदर्शनाखाली नांदेड जिल्हा काँग्रेस वर्किंग कमिटीच्या उपाध्यक्षपदी काम करण्याची संधी मिळालेली आहे.

मी ती जबाबदारीने व अत्यंत निष्ठेने आणि प्रमाणिकपणे पूर्ण करेल असे उद्गार केले. तसेच सर्वानी त्याना निवडी बद्दल अभिनंदन केले आणि पुढील कार्यास शुभेच्छा दिल्या…