किनवट पोलीस स्टेशन तर्फे स्व.बाळासाहेब ठाकरे चौकात चिडीमाराच्या विरोधात नाकेबंदी; चिडीमारांचे धाबे दणाणले

किनवट/प्रतिनिधी: किनवट पोलीस स्टेशन तर्फे स्व. बाळासाहेब ठाकरे चौकात चिडीमाराविरोधात नाकेबंदी करण्यात आली.
या ठिकाणी स्वतः पोलीस निरीक्षक दीपक बोरसे यांनी आपल्या पोलीस सहकार्यासह ठाकरे चौकात ठाण मांडून चिडीमार विरोधात नाकाबंदी केली. तसेच या चौकात लावलेले वाढदिवसाचे होल्डिंग ही काढण्यात करण्यात आले.

किनवट शहरातील अनेक प्रतिष्ठितांनी व पत्रकारांनी ठाकरे चौक व बस स्टॅन्ड परिसरात चिडीमार च्या विरोधात कारवाई करावी अशी विनंती चे निवेदन पोलीस स्टेशनला दिले होते. किनवटकरांची भावना लक्षात घेऊन सदर कारवाई करण्यात आली. या कारवाईमुळे चिडीमारांचे धाबे दणाणले आहेत.

या विषयी प्रेस संपादक व पत्रकार सेवा संघाचे शिष्टमंडळाने पी आय दीपक बोरसे यांची भेट घेवून सदरील बाब लक्षात आणून दिली होती.