शारदानगर भागात भररस्त्यात खंजरने वार करून युवकाचा खून ; वरिष्ठ पोलिस अधिकारी घटनास्थळी दाखल

*नांदेड जिल्हा प्रतिनिधी:संजीवकुमार गायकवाड*

*नांदेड*:दि.5.शहराच्या शारदानगर भागात एका युवकाचा निर्घृण खून झाल्याची घटना बुधवारी दिनांक ५ जानेवारी रोजी रात्री आठच्या सुमारास घडली.

या घटनेची माहिती मिळताच प्रभारी पोलिस अधीक्षक विजय कबाडे,अतिरिक्त पोलिस अधीक्षक निलेश मोरे, उपविभागीय पोलिस अधिकारी चंद्रसेन देशमुख, पोलीस निरीक्षक संजय ननवरे,स्थानिक गुन्हा शाखेचे पोलिस निरीक्षक द्वारकादास चिखलीकर यांनी घटनास्थळाला भेट दिली आहे.

विशाल रमेश धुमाळ (वय 23) रा.शनी पार्डी,ता.अर्धापुर नांदेड येथे रामनगर, तलाठी गल्लीमध्ये खाजगी नोकरी (फायनान्स कंपनी) करत होता.राज रेसिडेन्सी पार्किंगमध्ये रक्ताच्या थारोळ्यात कोसळून मयत झाला. बाहेर कोणीतरी अज्ञातने खंजरने सपासप वार केल्याने तो आकांताने पळत सुटला. आणि या ठिकाणी शिरला आणि मरण पावला.नेमका त्याचा खून कोणी आणि कशामुळे केला हे तपासाअंती निष्पन्न होण्याची शक्यता पोलिसांनी वर्तविली आहे.