वऱ्हाडाच्या गाडीला अपघात नवरीसह पाच जणांचा मृत्यू ; 10 जण जखमी
*नांदेड जिल्हा प्रतिनिधी:संजीवकुमार गायकवाड*
*नांदेड*:दि.21.जिल्यातील धर्माबाद तालुक्या मधील जारीकोट येथून लग्न करून नवीन नवरी घेऊन जाणाऱ्या एका वाहतुक गाडीला सोमठाणा ता.भोकर येथे एका विट वाहणाऱ्या गाडीने समोरासमोर धडक दिल्यामुळे नवरीसह पाच जणांचा मृत्यू झाला आहे.आणि जवळपास 10 लोक जखमी झाले आहेत.
सारखी ता.उमरखेड येथील एका कुटूंबातील मुलाचे लग्न जारी कोट ता.धर्माबाद येथील मुलीसोबत झाले.आज सायंकाळी नवीन नवरीला घेऊन गाडी क्रमांक एम.एच.29 ए.आर.3219 मध्ये बसून नवीन नवरदेव सारणी ता.उमरखेडकडे जात असतांना भोकर-किनवट रस्त्यावरील सोमठाणा गावाजवळ विट वाहणारी टेम्पो गाडी क्रमांक एम.एच.04. ए.एल.9955 ही समोरून आली. आणि थेट नवीन नवरी-नवरदेवाच्या गाडी धडकली. प्रत्यक्षदर्शी व्यक्ती सांगतात विट गाडीने एका बसच्या पुढे जाण्याचा प्रयत्न केला.पण तो यशस्वी झाला नाही आणि समोरून येणाऱ्या नवरी-नवरदेवाच्या गाडीवर ही विट वाहतूक करणारी गाडी जोरदारपणे धडकली आणि अपघात झाला.
घटनेची माहिती मिळताच भोकरचे पोलीस निरिक्षक विकास पाटील आणि त्यांचे अनेक सहकारी पोलीस अंमलदार घटनास्थळी पोहचले. सर्व जखमींना त्वरीत उपचारासाठी भोकर प्राथमिक रुग्णालयात आणले.जखमींपैकी कांही जणांना नांदेडला उपचारासाठी पाठविण्यात आले आहे.या अपघातात मरणाऱ्यांमध्ये नवरी पुजा ज्ञानेश्र्वर पामलवाड,ड्रायव्हर सुनिल दिगंबर धोटे,माधव पुरभाजी सोपेवाड,दत्ता ज्ञानेश्र्वर पामलवाड,एका मरण पावलेल्या व्यक्तीचे नाव समजून शकले नाही.ही परिस्थिती वृत्तलिहे पर्यंतची आहे
