भारतीय डाक विभागातर्फे किनवट मुख्य डाक घर येथे (CSC)कॉमन सर्व्हिस सेंटर चे प्रशिक्षण सम्पन्न
किनवट (आनंद भालेराव):
दिनांक 30/ 11/ 2021 रोजी भारतीय डाक विभागातर्फे किनवट मुख्य डाक घर येथे सीएससी(CSC)कॉमन सर्व्हिस सेंटर चे प्रशिक्षण आयोजित करण्यात आले होते.
या प्रशिक्षणात पोस्ट ऑफिस मध्ये नवीन योजना कशा अमलात आणल्या जातील याबद्दल चे प्रशिक्षण किनवट सब डिव्हिजन मधील ब्रांच पोस्ट मास्तर व डाक सेवक यांना देण्यात आले. यामध्ये पोस्टात आता रेल्वे रीजर्वेशन करणे, पॅन कार्ड काढणे, मोबाईल रिचार्ज करणे, आधार कार्ड काढणे, मोबाईल नंबर लिंक करणे, आयटी रिटर्न फॉर्म भरणे, पिक विमा इत्यादी सेवा खेड्यापाड्यात पोस्ट मास्तर मार्फत गावात सर्व जनतेस मिळणार आहेत.
याप्रसंगी सहाय्यक डाक अधीक्षक पटेल साहेब, निळकंठ जायभाये, डाक आवेशक रोशन भालेराव, किनवटचे पोस्ट मास्तर नल्लावार, मांडवी, माहूर, किनवट, गोकुंदा, बोधडी, इस्लापूर येथील सर्व ब्रांच पोस्ट मास्तर व डाक सेवक उपस्थित होते.
