हुतात्मा जयवंतराव पाटील विद्यालय कनकी येथे डॉ.सर्वपल्ली राधाकृष्णन यांच्या जयंतीनिमित्त शिक्षक दिन व स्वयंशासन दिन संपन्न

किनवट ता. प्रतिनिधी:
किनवट तालुक्यातील कनकी येथे हुतात्मा जयवंतराव पाटील विद्यालयात डॉक्टर सर्वपल्ली राधाकृष्णन यांच्या जयंती दिनी शिक्षक दिन व स्वयंशासन दिन साजरा करण्यात आला या कार्यक्रमाच्या अध्यक्षस्थानी कुमारी पावनी विजय प्रधान ही होती. प्रमुख अतिथी म्हणून मुख्याध्यापक डी एस शेंडे सहशिक्षक आनंद भालेराव, भगवान बोनतावर, निशांत जाधव कैलास जाधव कुमारी दिव्या बावणे मॅडम हे होते.
प्रथमतः डॉक्टर सर्वपल्ली राधाकृष्णन यांच्या प्रतिमेस पुष्पहार अर्पण करून त्यांना विनम्र अभिवादन करण्यात आले त्यानंतर शालेय विद्यार्थ्यांनी डॉक्टर सर्वपल्ली राधाकृष्णन यांच्या जीवन चरित्रावर प्रकाश टाकणारी भाषणे केलीत.

मुख्याध्यापक श्री डी एस शेंडे सहशिक्षक श्री आनंद भालेराव बी एस बोनतावार यांनी समायोजित भाषणे करून सखोल मार्गदर्शन केले.
स्वयंशासन दिनानिमित्त सर्व विद्यार्थी व विद्यार्थिनींना विद्यार्थ्यातून नियुक्त केलेले मुख्याध्यापक सहशिक्षक यांनी प्रत्येक वर्गावर ताशीका घेऊन उत्तम अध्यापन केले.