*कुसुमताई चव्हाण स्मृती पुरस्कार वितरण सोहळा संपन्न *सुषमा अंधारे,डॉ.विठ्ठल लहाने, अभय देशपांडे,पंजाबराव डख यांचा सन्मान * माजी मुख्यमंत्री अशोकराव चव्हाण व माजी मंत्री विजय वडेट्टीवार यांची विशेष उपस्थिती

*नांदेड जिल्हा प्रतिनिधी:संजीवकुमार गायकवाड*

*नांदेड*:दि.13.दैनिक सत्यप्रभाच्या वतीने दरवर्षी देण्यात येणाऱ्या कै.सौ. कुसुमताई चव्हाण पुरस्कारांचा वितरण सोहळा शुक्रवार (दि. 14) आयटीएम परिसरातील कुसुम सभागृहात सायंकाळी पाच वाजता होणार आहे.राज्याचे माजी मुख्यमंत्री अशाेकराव चव्हाण यांच्या प्रमुख उपस्थितीत आणि राज्याचे माजी मंत्री विजय वडेट्टीवार यांच्या विशेष उपस्थितीत हा साेहळा संपन्न हाेणार आहे.

अशी माहिती दैनिक सत्यप्रभाचे कार्यकारी संपादक संताेष पांडागळे यांनी दिली.
माजी केंद्रीय गृहमंत्री श्रद्धेय डॉ. शंकरराव चव्हाण यांची जयंती आणि दै.सत्यप्रभाच्या वर्धापन दिनानिमित्त गेल्या अनेक वर्षांपासून कै.सौ.कुसुमताई चव्हाण स्मृती पुरस्काराने विविध क्षेत्रात काम करणाऱ्या मान्यवरांना सन्मानित करण्यात येते. या पुरस्कारांची महाराष्ट्रात एक वेगळी ओळख निर्माण झाली आहे. यावर्षी महिला चळवळीतील नेत्या सुषमाताई अंधारे,सुप्रसिद्ध सर्जन डॉ. विठ्ठल लहाने,ज्येष्ठ पत्रकार अभय देशपांडे आणि हवामानतज्ज्ञ पंजबराव डख यांना या पुरस्काराने सन्मानित करण्यात येणार आहे.

या कार्यक्रमास नागरिकांनी मोठ्या संख्येने उपस्थित राहावे,असे आवाहन दैनिक सत्यप्रभा परिवारातर्फे करण्यात आले आहे.