टिपू सुलतान ब्रिगेडची राज्यस्तरीय बैठक औरंगाबाद येथे संपन्न
किनवट तालुका/ प्रतिनिधी : टिपू सुलतान ब्रिगेडची राज्यस्तरीय बैठक आज औरंगाबाद येथील शासकीय विश्रामगृहात प्रदेश अध्यक्ष डाॅ. ज़हीरूद्दिन पठान यांच्या अध्यक्षतेखाली व प्रदेश संघटक डाॅ. नदीम शेख यांच्या प्रमुख उपस्थितीत संपन्न झाली. या बैठकीला महाराष्ट्र राज्यातील विविध जिल्ह्यातील जिल्हाध्यक्ष आणि जिल्हा कार्यकारिणीचे विविध पदाधिकारी उपस्थित होते.
सर्वप्रथम या बैठकीचे आयोजक औरंगाबाद
जिल्हाध्यक्ष मुबीन पठाण यांनी सर्व उपस्थितीतांचे स्वागत केले. बैठकीचे प्रास्ताविक जालना जिल्हाध्यक्ष सय्यद करीम बिल्डर यांनी केले. या बैठकीत सय्यद नदीम, इनामदार जकरीया, जावेद खान, फयाज पठाण, फेरोज पटेल, जाबेर पटेल, सलाम कुरेशी, मोहम्मद अवेस, इमरान बिल्डर, अरबाज बेग, सय्यद लईख यांनी मनोगत व्यक्त केले. या बैठकीत राज्यस्तरीय कार्यकारिणी गठित करणे, महाराष्ट्रातील सर्व जिल्ह्यात आणि जिल्ह्यातील सर्व तालुक्यात टिपू सुलतान ब्रिगेडची शाखा स्थापित करणे, संघटनेची विचारधारा महाराष्ट्रातील कानाकोपऱ्यात पोहोचविणे इ. विषयांवर चर्चा करण्यात आली.
राज्य कार्यकारिणीच्या सर्व सदस्य आणि उपस्थित सर्व जिल्हाध्यक्षांना प्रदेश संघटक डाॅ. नदीम शेख आणि प्रदेश अध्यक्ष डाॅ. ज़हीरूद्दिन पठान यांनी मार्गदर्शन केले. शेवटी नांदेड उत्तरचे जिल्हाध्यक्ष सय्यद नदीम यांनी सर्व उपस्थितांचे आभार मानले.
