हैदराबाद स्वातंत्र्यसंग्रामातील एक शूर वीर धाडसी अग्रणी नेतृत्व स्वातंत्र्यसेनानी हुतात्मा जयवंतराव पाटील वायफणेकर यांच्या अर्धाकृती पुतळ्याचे अनावरण

हिमायतनगर/ प्रतिनिधी: हिमायतनगर येथील मराठवाडा ग्रामीण शिक्षण संस्था संकुलातील भव्य प्रारंगणात हैदराबाद स्वातंत्र्यसंग्रामातील एक शूर वीर धाडसी अग्रणी नेतृत्व स्वातंत्र्यसेनानी हुतात्मा जयवंतराव पाटील वायफणेकर यांच्या अर्धाकृती पुतळ्याचे अनावरण आज शुक्रवार दिनांक 17 सप्टेंबर 2021 रोजी सकाळी 11 वाजता हैदराबाद स्वातंत्र्य संग्राम मुक्ती दिनाच्या औचित्य साधून या विभागाचे खासदार हेमंतभाऊ पाटील यांच्या हस्ते संपन्न होणार आहे.
या कार्यक्रमाच्या अध्यक्षस्थानी माजी राज्यमंत्री माधवराव किन्हाळकर हे राहतील तर प्रमुख अतिथी म्हणून हदगाव विधानसभा मतदारसंघाचे आमदार माधवराव पाटील जवळगावकर हे उपस्थित राहणार आहेत.
सदरील सोहळा कोविड19 च्या सर्व नियमाचे पालन करून वरील मान्यवरांच्या उपस्थितीत संपन्न होणार आहे.
तरी या कार्यक्रमाला येऊ इच्छिणाऱ्या सर्वांनी मास्क व सानिटीझर चा उपयोग करावा असे आवाहन या पुतळा अनावरण सोहळयाचे विनीत माजी केंद्रीय ग्रामीण विकास राज्यमंत्री श्रीमती सूर्यकांताताई पाटील व संचालक मंडळांनी केले आहे.