अरुण विश्वनाथ बनकर यांना नुकताच उत्कृष्ट शिक्षक पुरस्कार ब्रिगेडियर सुधीर सावंत यांच्या हस्ते प्रदान

किनवट (प्रतिनिधी) स्व राजीव गांधी निवासी अपंग विद्यालय गोकुंदा तालुका किनवट यांचे मुख्याध्यापक अरुण विश्वनाथ बनकर यांना नुकताच उत्कृष्ट शिक्षक पुरस्कार ब्रिगेडियर सुधीर सावंत यांच्या हस्ते प्रदान करण्यात आला. हा कार्यक्रम कुसुम सभागृह नांदेड येथे दिनांक पाच सप्टेंबर रोजी संपन्न झाला. श्री अरुण बनकर हे गेल्या 22 वर्षांपासून गोकुंदा येथील अपंग शाळेत दिव्यांग विद्यार्थ्यांना विद्यादानाचे काम करत आहेत. त्याने आपले जीवन या अपंग विद्यार्थ्याचे जीवन घडविण्यासाठी खर्ची घातले आहे त्यांच्या या कार्याची दखल घेऊन महात्मा ज्योतिराव फुले शिक्षण परिषद नांदेड यांच्या वतीने हा उत्कृष्ट शिक्षक पुरस्कार देण्यात आला हा पुरस्कार त्यांना माजी मंत्री डी पी सावंत यांच्या उपस्थितीत प्रदान करण्यात आला. हा पुरस्कार मिळाल्याबद्दल त्यांचे मारुती दिवसे पाटील, वैजनाथ करपुडे पाटील ,आनंद सोनटक्के, प्रशांत बिराजदार, मारुती अस्वले डहाके सर ,भगवान शिंदे, विठ्ठल फुळव ले यांनी अभिनंदन केले आहे.