अमेरिकेतून डाॅक्टर पदवी प्राप्त करून आलेल्या अमान खान यांचा स्वागत समारोह संपन्न

*नांदेड जिल्हा प्रतिनिधी:संजीवकुमार गायकवाड*

*नांदेड*:दि.6.जिल्यातील धर्माबाद येथील ड्रा.तोफीक खान पठाण यांचे सुपुत्र ड्रा.अमान खान तौफीक खान पठाण यांनी अमेरिका येथे तब्बल ७ वर्ष वैद्यकीय शिक्षण पुर्ण केल्या निमित्त नौशाद फॅक्शन हाॅल येथे ४ एप्रिल रोजी सोमवारी सायंकाळी मित्र परिवार व कुटूंबाच्या वतीने स्वागत समारोह पार पडला.

पेशाने डेप्युटी पोस्ट मास्टर असलेल्या तौफीक खान पठाण यांनी अत्यंत प्रतिकूल परिस्थितीत आपल्या मुलांची शैक्षणिक जबाबदारी पार पाडली असून मुलगा अमान खान यांनी उच्च माध्यमिक परीक्षेत यशवंत महाविद्यालय नांदेड येथून ९१% गुण घेऊन घवघवीत यश संपादन केले होते.त्यानंतर पुढे टोफेल परीक्षेद्वारे त्यांची अमेरिकन वैद्यकीय अभ्यासासाठी निवड झाली.

२०१६ मध्ये मीशीगन स्टेट सेंट मार्टिनस मेडीकल युनिव्हर्सिटीत,जनरल हाॅस्पीटल येथे तब्बल सात वर्षे एम.बी.बी.एस.व एम.डी.चा अभ्यासक्रम पूर्ण करून डॉक्टर पदवी घेऊन गत महिन्यात मायदेशी परतले.पुन्हा पुढील ह्रदयविकार तज्ञ अभ्यासक्रम (पदविका)शिक्षणासाठी अमेरिकेला जाणार असल्याने मित्र परिवार व तौफीक खान पठाण यांच्या वतीने त्यांचा सत्कार करण्यात आला.

यावेळी डाॅ.अमान खान तौफीक खान
यांना आशीर्वाद व शुभेच्छा देण्यासाठी
जापलापुर सरपंच हक्कीम सेठ , कापड असोसिएशन अध्यक्ष नजीर सेठ,सेवानिवृत्त मुख्याध्यापक सल्लीमोद्दिन सिद्दीकी,जामा मस्जिद चे मोईन खान,मा.नगर सेवक समिर अहेमद,राजू सुरकुटवार, बहुभाषिक पत्रकार संघाचे सचिव धडेकर गंगाधर,पत्रकार गंगाप्रसाद सोनकांबळे,राजेश सोनकांबळे,दत्तात्रय सज्जन , राष्ट्रवादी काँग्रेस पक्षाचे शहर अध्यक्ष जावेद,जक्की सर,मतिन सर यांच्या सह मित्र गुरुवर्य, नातेवाईक उपस्थित होते.