किनवट ता. प्र दि.7 किनवट, माहूर विधानसभा मतदारसंघ राष्ट्रवादी काँग्रेस पक्षाचे माजी आमदार प्रदीप नाईक यांच्या विचारसरणीची घोडदौड आता चालू झाली असून किनवट तालुका राष्ट्रवादी काँग्रेस पक्षाचे तालुकाध्यक्ष प्रकाश गब्बा राठोड यांच्या नेतृत्वाखाली शनिवार पेठ ग्रामपंचायत ही बिनविरोध निवडून आली आहे.
किनवट/माहूर विधानसभा मतदार संघाचे माजी आमदार प्रदीप नाईक यांच्या नेतृत्वाखाली आता राष्ट्रवादीची पकड ही घट्ट पडत चालली आहे. किनवट राष्ट्रवादी काँग्रेस पक्षाचे तालुका अध्यक्ष तथा जिल्हा परिषदचे माजी उपाध्यक्ष प्रकाश गब्बा राठोड यांच्या नेतृत्वाखाली शनिवार पेठ ग्रामपंचायत बिनविरोध आली असून वच्छलाबाई खंडू किरवले या सरपंच पदावर विराजमान झाले आहेत.तर सदस्य गणेश घुकसे, जिजाबाई माहूरे, गीता चोले, नागनाथ मूंडकर,सूमन फोले,वनिता राठोड,हनमंतराव घोटेकर यांचे सदस्य म्हणून निवड झाली आहे. पंचायत समिती व जिल्हा परिषद निवडणुकीसाठी सध्या चालू असलेल्या ग्रामपंचायत निवडणुका ह्या महत्त्वाच्या मानल्या जात आहेत. “अभी तो बस झांकी है पंचायत समिती और जिल्हा परिषद बाकी है” असे सुतोवाच राठोड यांनी केले. त्यांच्या या निवडीबद्दल सर्व गावकऱ्यांनी आनंद व्यक्त केला असून राठोड यांचे सर्वत्र अभिनंदन केले जात आहे.
किनवट, माहूर विधानसभा मतदारसंघ राष्ट्रवादी काँग्रेस पक्षाचे माजी आमदार प्रदीप नाईक यांच्या विचारसरणीची घोडदौड
88 Views