दहेली तांडा येथे माजी आमदार प्रदीप नाईक यांचा वाढदिवस मोठ्या उत्साहात साजरा

किनवट टुडे न्यूज नेटवर्क: आज दहेली तांडा येथे माजी आमदार प्रदीप नाईक यांचा वाढदिवस मोठ्या उत्साहात साजरा करण्यात आला.
याप्रसंगी किनवट /माहूर मतदारसंघातील प्रत्येक तांडे, वाडी, गावातून त्यांचे चहाते मंडळी वाढदिवसासाठी हजर होती. प्रत्येकाने आपल्या आवडत्या नेत्यास पुष्पहार शाल श्रीफळ देऊन सत्कार करून त्यांचा वाढदिवस साजरा केला.

दरवर्षी लक्ष्मीपूजनाच्या दिवशी त्यांचा वाढदिवस साजरा होत असतो.असे असताना ही प्रत्येकाच्या घरी दिवाळी साजरी होत असताना वेळातला वेळ काढून या नेत्यासाठी मतदारसंघातील गावागावातून कार्यकर्ते मंडळी या ठिकाणी आली होती. वाढदिवस साजरा होत असतानाच दूसरीकडे स्वादिष्ट भोजनाची व्यवस्था उत्तम रीतीने करण्यात आली होती.
वाढदिवसासाठी तालुक्यातील प्रत्येक पक्षातील नेते मंडळी व कार्यकर्ते स्वतः उपस्थित राहून माजी आ.प्रदिप नाईकांना वाढदिवसाच्या शुभेच्छा दिल्या.