लोकनेते समाज भूषण कै.प्रकाश बळीराम पाटील यांच्या प्रथम स्मृतिदिनानिमित्त स्मृतीस अभिवादन सोहळा व स्मारकाचा लोकार्पण सोहळा संपन्न

किनवट टुडे न्युज : लोकनेते समाज भूषण कै. प्रकाश बळीराम पाटील यांच्या प्रथम स्मृतिदिनानिमित्त त्यांच्या कार्यास उजाळा देऊन स्मृतीस अभिवादन करण्याचा कार्यक्रम तसेच मांडवी येथे नव्यानेच बांधण्यात आलेल्या त्यांच्या स्मारकाचा लोकार्पण सोहळा प्रकाश पाटील महाविद्यालय मांडवी येथे संपन्न झाला.
याप्रसंगी सकाळी 9 ते 11 वाजेपर्यंत ह भ प राधाताई महाराज सानप आईसाहेब महाराष्ट्रातील प्रसिद्ध महिला कीर्तनकार श्रीक्षेत्र मीराबाई संस्थान महासांगवी तालुका पाटोदा जिल्हा बीड यांच्या कीर्तनाचा कार्यक्रम संपन्न झाला.
या प्रसंगी आलेल्या सर्व उपस्थितांचे प्रफुल्ल प्रकाश राठोड व संध्याताई प्रफुल राठोड यांच्या हस्ते शाल श्रीफळ देऊन सत्कार करण्यात आला.
या कार्यक्रमास आमदार निलय नाईक सदस्य विधान परिषद महाराष्ट्र राज्य, आमदार इंद्रनील नाईक पुसद विधानसभा मतदारसंघ, आमदार तानाजी मुटकुळे हिंगोली विधानसभा मतदारसंघ, आमदार नामदेवराव ससाने उमरखेड विधानसभा मतदारसंघ, माजी आमदार प्रदीप नाईक तसेच काँग्रेसचे ज्येष्ठ नेते नामदेवराव केशवे,सुधाकर भोयर,बंडू नाईक,ईश्वर चव्हाण,कुंदन पवार, आत्माराम मुंडे,आनंद भालेराव, आशिष शेळके धरमसिंग राठोड आदींची उपस्थिती होती.
कार्यक्रमास मांडवी परिसरातील बहुसंख्य नागरिक व कार्यकर्ते उपस्थित होते.6