थारा ते बोधडी जाणारे रोडवर पिपर फोडी फाटया जवळ दोन मोटरसायकल ची समोरासमोर टक्कर एकाचा मृत्यू

किनवट/प्रतिनिधी: दि.15/06/2023 रोजीचे सायंकाळी 7:00 वाजताच्या सुमारास थारा ते बोधडी जाणारे रोडवर पिपर फोडी फाटा जवळ दोन मोटरसायकल ची समोरासमोर टक्कर झालेले एकाचा जागीच मृत्यू झाला आहे.
हिरो कंपनीची डीलक्स मोटारसायकल क्र. MH-26 CA 7043 चा चालक संजय देवराव मडावी रा. सोमागुडा ता. किनवट जिल्हा नांदेड यांनी आपली मोटारसायकल भरधाव वेगात हयगई व निष्काळजीपणे जोरात चालवून मयत चालवत असलेली होंडा कंपनीची शाईन एस. पी. मोटार सायकलचा क्रमांक MH-26 बि.आर.1181 हीच समोरून जोराची धडक दिल्याने त्यात मयताचे डोक्यास जबर मार लागल्याने तो जागीच मरण पावला असून त्याचे मरणास व अरुणा संजय मडावी वय 35 वर्षे ,मुलगा आदित्य संजय मडावी वय 07वर्ष, मुलगी सानवी संजय मडावी वय 10वर्ष यांना जखमी करण्यास मोटार सायकलचा चालक संजय देवराव मडावी राहणार सोमागुडा तालुका किनवट हाच कारणीभूत असल्याचा जबाब फिर्यादी गुणवंत बापूराव पवळे व 48 वर्ष व्यवसाय शेती रा.थारा ता.किनवट जि. नांदेड यांनी दिल्यावरून मा. पो. नि. साहेबांच्या आदेशाने स्टे किनवट – गु.र.नं. 154/2023 कलम-279,304(A) भा.द.वि.प्रमाणे गुन्हा दाखल करून पुढील तपासकामी पो. उप.नि. यांच्याकडे सोपविण्यात आला आहे