काँग्रेस पक्षाचे चंद्रपूरचे खासदार बाळू धानोरकर यांचे निधन

KTNमहाराष्ट्र :काँग्रेसचे महाराष्ट्रातील एकमेव खासदार सुरेश उर्फ बाळू धानोरकर यांचे आज उपचारदरम्यान निधन झाले ते 48 वर्षाचे होते. मागील 3 दिवसांपासून ते दिल्लीतील मेदांता रुग्णालयात उपचार घेत होते.तेथे त्यांची प्राणज्योत मावळली त्यापूर्वी त्यांच्यावर किडनी संबंधी आजारासाठी नागपूर येथे उपचार सुरू होते मात्र प्रकृती खालावत गेल्याने दोन दिवसापूर्वी त्यांना एअर ॲम्बुलन्स ने दिल्ली येथे हलविण्यात आले. ते काँग्रेसचे चंद्रपूरचे खासदार होते. चंद्रपूर जिल्ह्यातील भद्रावती हे त्यांचे मुळगाव होय. वरोरा येथे आज सायंकाळी त्यांच्या पार्थिवावर अंत्यसंस्कार करण्यात येणार आहेत.
कालपासून ते उपचाराला प्रतिसाद देत नसल्याची माहिती मिळत होती मात्र रात्री सव्वा दोन वाजण्याच्या सुमारास त्यांचे प्राणज्योत माळवली त्यांच्या मागे पत्नी आमदार प्रतिभा धानोरकर आणि दोन मुलं असा परिवार आहे.. त्यांचे पार्थिव दुपारी 12 वाजेपर्यंत आणण्याची शक्यता आहे. 4 दिवसापूर्वी त्यांचे वडील नारायण धानोरकर यांचे निधन झाले होते. त्यांच्या अंत्य संस्काराच्या वेळेस खासदार बाळू धानोरकर हे नागपूर येथे उपचार घेतले होते. दोघा बापलेकाच्या लागोपाठ मृत्यूमुळे धानोरकर कुटुंब यावर तसेच चंद्रपूर लोकसभा मतदारसंघावर दुःखाचा डोंगर कोसळला आहे.