किनवट तालुका काँग्रेस कमिटीच्या वतीने तालुक्यातील मौजे चिखली बुद्रुक येथे इफ्तार पार्टी संपन्न

किनवट/ प्रतिनिधी: पवित्र रमजान सणाच्या औचित्यावर किनवट तालुका काँग्रेस कमिटीच्या वतीने तालुक्यातील मौजे चिखली बुद्रुक येथे दि 18 एप्रिल रोजी सायंकाळी इफ्तार पार्टीचे आयोजन करण्यात आले होते. इफ्तार पार्टीत चिखली येथील मुस्लिम बांधव मोठ्या संख्येने सहभागी झाले व त्यांनी नमाज आता केल्यानंतर उपवास सोडला
हिंदू मुस्लिम एकतेचे प्रतीक समजल्या जाणाऱ्या पवित्र रमजान महिन्याच्या औचित्यावर दि 18 एप्रिल 2023 रोजी किनवट तालुक्यातील मोजे चिखली बुद्रुक येथे युवानेते सुभाष बाबू नायक राठोड यांनी किनवट तालुका काँग्रेस कमिटीच्या वतीने इफ्तार पार्टीचे आयोजन केले होते. या इफ्तार पार्टीत चिखली बुद्रुक येथील मुस्लिम बांधव मोठ्या संख्येने सहभागी झाले होते व त्यांनी सायंकाळची नमाज अदा केल्यानंतर इफ्तार पार्टीत उपवास सोडला.
याप्रसंगी किनवट तालुका किसान काँग्रेसचे तालुकाध्यक्ष संतोष अडकीने पाटील, उपसरपंच मुखरम भाई चिखलीकर,शेख अजीम, शेख जावेद, शिवसेना अल्पसंख्यांक तालुकाध्यक्ष शेख मोहसीन,दानिश भाई यांच्यासह समाजबांधव व सुभाष बाबू नायक मित्र मंडळाचे कार्यकर्ते मोठ्या संख्येने उपस्थित होते.